အားနည်းခြင်းတွင် ခွန်အားရှိခြင်း

ကျွန်မ၏သားလေး အသက်သုံးနှစ်အရွယ်ခန့်တွင် ကျွန်မခွဲစိတ်မှုတစ်ခုပြုရန် လိုအပ်ခဲ့ပြီး၊ နာလန်ထူနိုင်ရန် အချိန် တစ်လ (သို့) ထိုထက်ပိုကြာသည့် အချိန် ပေးရန် အကြောင်းပေါ်လာသည်။ ကုသမှု မစမီ ကျွန်မအိပ်ယာပေါ်ရှိနေစဉ် ကုသမှုခံယူပြီးပါက ညစ်ပတ်နေသော ပန်းကန်ခွက်ယောက်များ ပန်းကန်ဆေးကန်တွင် အပုံလိုက်ရှိနေမည်ကို တွေးကြည့်မိသည်။ တက်ကြွနေသောကလေးငယ်ကို မည်သို့ ပြုစုစောင့်ရှောက်ရမည်ကို မသိပါ။ အစားအစာချက်ပြုတ်ရန် မီးဖိုရှေ့ရပ်နေခြင်းကိုလည်း ပုံဖော်၍ပင်မရပါ။ ကျွန်မ၏အားနည်းချက်ကြောင့် စည်းချက်မှန်မှန်သွားနေသော ကျွန်မတို့၏ဘဝများ၌ သက်ရောက်မှုရှိမည်ကို ကြောက်ရွံ့စိုးရိမ်ခဲ့မိသည်။

မိဒျန်လူတို့နှင့်ထိပ်တိုက်မတွေ့မီ ဘုရားသခင်သည် ဂိဒေါင်၏တပ်များကို တမင်အင်အားလျှော့ချခဲ့သည်။ ပထမဦးစွာ ကြောက်လန့်သူတို့အား ထွက်ခွင့် ပြုခဲ့ရာ လူ ၂၂,၀၀၀ အိမ်ပြန်သွားသည် (သူကြီး ၇:၃)။ ပြီးနောက် ကျန်ခဲ့သောလူ ၁၀,၀၀၀ ထဲမှ လက်ခုပ်နှင့် ရေကိုသောက်သူများသာ နေခဲ့ရန် ဖြစ်သည်။ လူသုံးရာမျှသာကျန်ရှိသော်လည်း ဤအားနည်းချက်က ဣသရေလလူများ မိမိကိုယ်ကို အားကိုးအမှီပြုခြင်းကို တားဆီးပေးခဲ့သည်…

ဘုရားသခင်၏လက်တော် ဆန့်တန်းကြိုနေ

ဖုန်းကို မျက်မှောင်ကြုတ်ကြည့်ရင်း ကျွန်မသက်ပြင်းချမိသည်။ စိုးရိမ်မှုကြောင့် ကျွန်မ၏မျက်ခုံးများ တွန့်ချိုးနေသည်။ ကျွန်မနှင့်ကျွန်မ၏သူငယ်ချင်းသည် မိမိတို့၏ရင်သွေးများနှင့်ပတ်သက်ပြီး အကြီးအကျယ် သဘောထားကွဲလွဲခဲ့သည်။ သူမထံ ဖုန်းဆက်ကာ တောင်းပန်သင့်ကြောင်း ကျွန်မသိသည်။ ကျွန်မတို့၏အမြင်မတူမှုများ ရှိနေဆဲဖြစ်၍ ကျွန်မဖုန်းမခေါ်ချင်သော်လည်း ထိုကိစ္စနှင့်ပတ်သက်ပြီး နောက်ဆုံးအခေါက် ကျွန်မတို့ဆွေးနွေးခဲ့စဉ် ကျွန်မဘက်မှ နူးညံ့မှုနှင့် နှိမ့်ချမှု မရှိခဲ့ခြင်းကို ကျွန်မသိသည်။

ဖုန်းဆက်ဖို့၊ မဆက်ဖို့ မချိတင်ကဲဖြစ်နေရင်း “သူ ငါ့ကို ခွင့်မလွှတ်ရင် ဘယ်လိုလုပ်မလဲ။ ငါနဲ့သူငယ်ချင်းဆက် မဖြစ်ချင်တော့ရင် ဘယ်လိုလုပ်မလဲ” ဟု တွေးနေခဲ့မိသည်။ ချက်ချင်းပင် ကျွန်မခေါင်းထဲသို့ သီချင်းတစ်ပုဒ်မှစာသားများ ဝင်လာကာ ကျွန်မ၏အပြစ်များကို ဘုရားရှင်ထံ ဝန်ချတောင်းပန်ခဲ့သည့်အချိန်ကို ပြန်သတိရခဲ့သည်။ ဘုရားသခင်သည် ကျွန်မကိုခွင့်လွှတ်ပြီး အပြစ်ရှိသည့်ခံစားချက်မှ လွတ်မြောက်စေကြောင်း သိရသည့်အတွက် စိတ်သက်သာရာရခဲ့သည်။

ဆက်ဆံရေးပြဿနာများကို ကျွန်မတို့ဖြေရှင်းရသည့်အခါ ကျွန်မတို့အပေါ်လူများ၏တုံ့ပြန်မှုကို ကျွန်မတို့ မထိန်းချုပ်နိုင်ပါ။ မိမိအပိုင်းမှ မိမိ၏အပြစ်ကို ဝန်ချပြီး ခွင့်လွှတ်မှုကို…

စစ်မှန်သောယေရှု

စာအုပ်အသင်းခေါင်းဆောင်က အဖွဲ့လိုက်ဆွေးနွေးမည့်ဝတ္ထုကို အကျဉ်းချုပ်ပြောပြနေသောကြောင့် အခန်းထဲ၌ အသံများ တိတ်ဆိတ်ငြိမ်သက်နေသည်။ ကျွန်မသူငယ်ချင်း ဂျိုအန်းက အာရုံစိုက်နားထောင်သော်လည်း ဇာတ်ကြောင်းကို မသိခဲ့ပေ။ နောက်ဆုံးတွင် အခြားသူများ ဖတ်ခဲ့သော ရသစာပေနှင့် ခေါင်းစဥ်ဆင်တူသော သုတဝတ္ထုတစ်အုပ်ကို သူမဖတ်ခဲ့ခြင်းဖြစ်ကြောင်း သိလိုက်ရသည်။ သူမသည် စာအုပ်“မှား”ဖတ်ပြီး ထိုစာအုပ်ကို နှစ်သက်ခဲ့သော်လည်း ဖတ်ရမည့်စာအုပ် “အမှန်”အကြောင်း သူငယ်ချင်းများနှင့် ဆွေးနွေးကြသောအခါ မပါဝင်နိုင်ခဲ့ပေ။

တမန်တော်ပေါလုသည် သခင်ယေရှုကို ယုံကြည်သည့် ကောရိန္သုယုံကြည်သူ များအား “မှားယွင်းသော” ယေရှုကို မယုံကြည်စေလိုပေ။ မှားယွင်းသောဆရာများသည် အသင်းတော်အတွင်းသို့ ထိုးဖောက်ဝင်ရောက်ပြီး အခြားသော “ယေရှု”ကို လူတို့အား ဖော်ပြပြီး၊ ၎င်းတို့က မုသာများကို လက်ခံခဲ့ကြောင်း ထောက်ပြခဲ့သည် (၂ ကော ၁၁:၃-၄)။

ပေါလုသည် ဤအယောင်ဆောင်ဆရာများ၏ မှားယွင်းသောယုံကြည်မှုကို ရှုတ်ချခဲ့သည်။ သူ၏ပထမစာစောင်တွင် သခင်ယေရှုနှင့်ပတ်သက်သည့် သမ္မာကျမ်းစာ၏အမှန်တရားကို ပြန်လည်သုံးသပ်ခဲ့သည်။ ဤသခင်ယေရှုသည် ကျွန်ုပ်တို့၏အပြစ်အတွက်…

ခရစ်စမတ်၏အံ့ဖွယ်ရာ

ပစ္စည်းဟောင်းရောင်းချသည့်နေရာတွင် ကတ်ထူစက္ကူဗူးဟောင်းထဲ၌ ဖွားမြင်စခရစ်တော်အရုပ်လေးကို ကျွန်မတွေ့လိုက်သည်။ သူငယ်တော်အရုပ်လေးကို ကျွန်မကောက်ကိုင်လိုက်စဥ် အရုပ်၏ခန္ဓာကိုယ် အနုစိတ်လက်ရာကို သတိထားမိသည်။ ဤမွေးကင်းစကလေးငယ်ကို စောင်နှင့် မထွေးပိုက်ထားသလို မျက်လုံးများလည်း မမှိတ်နေပါ။ သူကလေးနိုးနေပြီး စောင်ထဲမှ တစ်ပိုင်းတစ်စ ထွက်နေပြီး လက်ကလေးဆန့်လျက် “ကျွန်တော်ဒီမှာ” ဟုပြောနေသယောင်ယောင်ပင်။

ဤရုပ်တုငယ်လေးသည် ခရစ်စမတ်၏အံ့ဖွယ်ရာဖြစ်သော ဘုရားသခင်၏ သူ၏သားတော်ကို လူ့ဇာတိခန္ဓာနှင့် မြေကြီးပေါ်စေလွှတ်ခြင်းကို ပြနေသည်။ ‌ယေရှု၏ခန္ဓာကိုယ်ပေါက်စလေး ကြီးပြင်းလာစဥ် သူ၏လက်သေးသေးများက အရုပ်များနှင့်ကစားခဲ့ပြီး၊ တဖြည်းဖြည်းနှင့် ပညတ္တိကျမ်းများကို စတင်ကိုင်တွယ်လာကာ သူ၏သာသနာခရီးမစတင်ခင် ပရိဘောဂများကို ပြုလုပ်ခဲ့သည်။ မွေးစက ဖောင်းတစ်တုတ်ခိုင်ခဲ့သော သူ၏ခြေထောက်လေးများက သွန်သင်ခြင်းအမှုပြုရန်နှင့် အနာရောဂါများငြိမ်းစေရန် တစ်နေရာမှတစ်နေရာဆီသို့ သူ့ကိုပို့ဆောင်ပေးခဲ့သည်။ သူ့ဘဝနောက်ဆုံးအချိန်တွင် လက်ဝါးကပ်တိုင်၌ သူ၏ခန္ဓာကိုယ်ကို ကပ်ထားရန် ဤလူ့ဇာတိ ခြေထောက်နှင့်လက်များကို သံမှိုနှင့်ရိုက်ခဲ့ရသည်။

“အပြစ်နှင့်ပြည့်စုံသော ဇာတိပကတိ၏သဏ္ဌာန်ကိုဆောင်သော မိမိသားတော်ကို စေလွှတ်တော်မူ၍၊ အပြစ်ဖြေဖို့ရာ ဇာတိပကတိ၌ အပြစ်ကို ဒဏ်ပေးတော်မူ၏”…

သင့်အသံကို အသုံးပြုပါ

လီစာသည် အသက် (၈) နှစ်အရွယ်ကတည်းက စကားထစ်သည့်ရောဂါဖြင့် ရုန်းကန်ခဲ့ရပြီး လူအများနှင့်စကားပြောဆိုရန် လိုအပ်သည့် လူမှုရေးအခြေအနေများကို ကြောက်ရွံ့ခဲ့သည်။ သို့သော် နောက်ပိုင်းတွင် စကားပြောကုထုံးအားဖြင့် သူမ၏စိန်ခေါ်မှုကို ကျော်လွှားရန် အထောက်အကူဖြစ်ခဲ့ပြီးနောက် လီစာသည် အခြားသူများကို ကူညီမစရန် သူမ၏အသံကို အသုံးပြုစိမ့်သောငှာ ဆုံးဖြတ်ခဲ့သည်။ သူမသည် စိတ်ထိခိုက်နာကျင်မှုများအတွက် အရေးပေါ်ဆက်သွယ်ရန် ဖုန်းလိုင်းတစ်ခုတွင် အတိုင်ပင်ခံအဖြစ် စေတနာ့ဝန်ထမ်းအဖြစ် လုပ်ကိုင်ခဲ့သည်။

မောရှေသည် ဣသရေလလူမျိုးတို့ကို ကျွန်သုံ့ပန်းဘဝမှ ထုတ်ဆောင်ရန် ဦးဆောင်ရသည်တွင် စကားပြောဆိုခြင်းနှင့်ပတ်သက်၍ စိုးရိမ်သောကကို ရင်ဆိုင်ခဲ့ရသည်။ ဖာရောဘုရင်နှင့် စကားပြောရန် ဘုရားသခင်က ပြောသောအခါ မောရှေသည် သူ၏စကားပြောစွမ်းရည်ကို စိတ်မချသောကြောင့် ကန့်ကွက်ခဲ့သည် (ထွက် ၄:၁၀)။ ထာဝရဘုရားကလည်း “လူ၏နှုတ်ကို အဘယ်သူဖန်ဆင်းသနည်း” ဟုပြန်ပြောပြီးနောက် “သင်၏နှုတ်၌ ငါရှိ၍ သင်သည် အဘယ်သို့ပြောရမည်ကို သွန်သင်မည်” (:၁၁-၁၂)ဟု မောရှေအား ကတိပေးခဲ့သည်။

ဘုရားသခင်၏…

ရှင်သန်ခြင်း လက္ခဏာများ

အလှမွေးဂဏန်းတစ်စုံကို ကျွန်မ၏သမီး လက်ဆောင်ရသောအခါ သူမသည် ထိုအကောင်လေးများ သဲတူးပြီးပုန်းနိုင်စေရန် ဖန်လုံးထဲသို့ သဲများဖြည့်ထားပေးသည်။ ၎င်းတို့ စားသောက်ရန်အတွက် ရေ၊ ပရိုတိန်းနှင့် အသီးအနှံအပိုင်းအစများကို ဖြည့်ဆည်းပေးထားသည်။ သူတို့သည် ပျော်ရွှင်နေပုံရပြီး တစ်နေ့တွင် သူတို့ပျောက်သွားရာ ကျွန်မတို့ထိတ်လန့်သွားခဲ့သည်။ ကျွန်မတို့ နေရာစုံတွင် ရှာဖွေခဲ့ကြပြီး နောက်ဆုံးတွင် သဲအောက်၌ သူတို့ရှိနေကြောင်းသိလိုက်ရသည်။ သူတို့၏အခွံမာများကို အသစ်လဲလှယ်ကြသည်ဖြစ်၍ ထိုနေရာ၌ နှစ်လခန့်မျှ ကြာဉီးမည်ဖြစ်သည်။

အချိန်နှစ်လကုန်သွားပြီး နောက်ထပ်တစ်လ ထပ်ကြာနေသောအခါ သူတို့သေသွားမည်ကို ကျွန်မတို့စိုးရိမ်ခဲ့ကြသည်။ ကျွန်မတို့ကြာကြာစောင့်ဆိုင်းရလေ ပို၍စိတ်မရှည်လေဖြစ်လာသည်။ နောက်ဆုံးတွင် ၎င်းတို့အသက်ရှင်နေသောလက္ခဏာကို ကျွန်မတို့တွေ့လာပြီး ဂဏန်းလေးများ သဲထဲမှ ထွက်လာကြသည်။

ဣသရေလလူမျိုးများ ဗာဗုလုန်တွင် ပြည်နှင်ဒဏ်ခံရချိန်၌ သူတို့အတွက် ဘုရားသခင်၏ပရောဖက်ပြုချက် ပြည့်စုံလာပါဉီးမည်လားဟု ဣသရေလလူမျိုးများ သံသယဖြစ်မိနိုင်ကြောင်းကို ကျွန်မပြန်ဆင်ခြင်မိသည်။ သူတို့ စိတ်ပျက်အားငယ်ခဲ့ကြပါသလား။ သူတို့ ထိုနေရာတွင် ထာဝရနေသွားရမည်ကို စိုးရိမ်ခဲ့ကြပါသလား။ ဘုရားသခင်က “ငါထားသောကတိကောင်းကို…

လှည့်ပြန်ရမည့်နေရာ

အထက်တန်းကျောင်းသား ဂျက်ခ်၏ အပူအပင်မရှိသောစိတ်ထားနှင့် အားကစားစွမ်းရည်ကို လူတိုင်းသဘောကျကြသည်။ သူသည် လက်တစ်ဘက်၌ စကိတ်ဘုတ်ပြားကိုကိုင်ကာ ကျန်လက်တစ်ဘက်ကို ဟန်ချက်ညီစေရန် လေထဲတွင်ဆန့်ထားကာ စကိတ်ကွင်းပေါ်သို့ခုန်တက်ရသည်ကို အနှစ်သက်ဆုံးဖြစ်သည်။

ဂျက်ခ်သည် မြို့တွင်းအသင်းတော်တစ်ခုသို့ တတ်ရောက်ပြီးနောက်ပိုင်းတွင် ရှင်ယေရှုနောက်တော်သို့ လိုက်လျှောက်ရန် ဆုံးဖြတ်ခဲ့သည်။ ထိုအချိန်က သူ့မိသားစု၏ရုန်းကန်ရမှုများကို ကြံ့ကြံ့ခံရင်ဆိုင်ခဲ့ရပြီး သူ့နာကျင်မှုများ သက်သာစေရန် မူးယစ်ဆေးသုံးစွဲခဲ့သည်။ သူ့အသက်တာပြောင်းလဲပြီးနောက် သူ့အတွက် အရာရာအဆင်ပြေနေပုံရသည်။ သို့သော် နှစ်အနည်းငယ်အကြာတွင် သူဆေးပြန်သုံးခဲ့သည်။ သင့်လျော်သော ကြားဝင်ဟန့်တားမှုမရှိ၊ စဥ်ဆက်မပြတ်ကုသမှု မခံယူသဖြင့် နောက်ဆုံးဆေးလွန်ကာ သူသေဆုံးသွားခဲ့သည်။

ဒုက္ခအခက်အခဲနှင့် ရင်ဆိုင်ရသောအခါ မိမိပြုနေကျအရာဘက်သို့ လှည့်ပြန်သွားရန် လွယ်ကူလှသည်။ ဣသရေလလူမျိုးတို့သည် အာရှုရိလူတို့ တိုက်ခိုက်လာမည်ကိုသိသောအခါ စိတ်ဓာတ်ကျလျက် သူတို့ကျွန်ခံခဲ့ဘူးသော မှီခိုရာသခင်များဖြစ်သည့် အဲဂုတ္တုလူတို့ထံအကူအညီတောင်းရန် ချဥ်းကပ်ခဲ့ကြသည် (ဟေရှာ ၃၀:၁-၅)။ ဘုရားသခင်က ၎င်းသည် အလွန်ဆိုးသောအမှုဖြစ်မည်ဟု ကြိုတင်မိန့်ကြားထားသော်လည်း ဣသရေလလူမျိုးတို့ ရွေးချယ်မှုမှားခဲ့သောအခါ ကိုယ်တော်ဆက်လက်ဂရုပြုစောင်မခဲ့သည်။ ဟေရှာယက…

သံကဲ့သို့ ခိုင်ခံ့သည်

သံထည်ပိုးထိုးကောင်သည် သားရဲများရန်မှကာကွယ်ပေးသော ၎င်းတို့၏မာကြောသော အပြင်ပန်းကြောင့် လူသိများသည့်အင်းဆက်ပိုး ဖြစ်သည်။ တစ်မူထူးခြားသော မျိုးကွဲမျိုးစိတ်ဆိုလျှင် ဖိအားဒဏ်ခံနိုင်သော ထူးကဲသည့်ခွန်အားရှိသည်။ ၎င်း၏ မာကျောသော အပြင်ဘက်အခွံနှစ်ခုကို ပူးလိုက်ပါက ဆက်ရာကွဲကြောင်းဖြစ်သွားခြင်းထက် ထိုအဆက်နေရာက ဆန့်ထွက်ကာ ပူးတွဲသွားသည်။ ၎င်း၏ ချပ်လျပြီး မသိသာသော ကျောပုံစံက ကျိုးပဲ့ကွဲကြေမွမှုမှ ကာကွယ်ပေးသည်။ သိပ္ပံနည်းကျစမ်းသပ်ချက်များအရ ၎င်းသည် သူ့ခန္ဓာကိုယ်အလေးချိန်ထက် အဆပေါင်း (၄၀,၀၀၀) နီးပါးရှိသောဖိအားကို ခံနိုင်ကြောင်း ဖော်ပြထားသည်။

ဘုရားရှင်သည် ဤပိုးကို အထူးခိုင်မာအောင် ဖန်ဆင်းထားသကဲ့သို့၊ ပရောဖက်ယေရမိကိုလည်း ခံနိုင်ရည်အား ပေးခဲ့သည်။ သူသည် ဣသရေလလူမျိုးတို့အား သတင်းဆိုးကို ပြောပြသောအခါ ပြင်းထန်သောဖိအားကို ရင်ဆိုင်ရနိုင် သောကြောင့် ဘုရားရှင်က သူ့အား “သံတိုင်၊ ကြေးဝါထရံအရာ၌ ငါခန့်ထား၏” (ယေ ၁:၁၈)ဟု ကတိတော်ပေးခဲ့သည်။ ပရောဖက်ကြီး ကြေမွမသွားရန်၊ ပျက်စီးမသွားရန်နှင့် စိတ်မပျက်သွားရန်အတွက် ဖြစ်သည်။ ဘုရား၏မျက်မှောက်တော်နှင့်…

ထာဝရဘုရား သိတော်မူ၏

စိတ္တဇပန်းချီကားကြီးရှေ့၌ရပ်လျက် အနုပညာကိုခံစားနေသော ချစ်သူနှစ်ဦးသည် ပန်းချီကားအောက်နားတွင် အဖုံးဖွင့်ထားသောဆေးဘူးနှင့် စုတ်တံတို့ကိုတွေ့လိုက်သည်။ “မပြီးပြတ်သေးသောလက်ရာ”ဖြစ်ပြီး မည်သူမဆိုပါဝင်ရေးဆွဲနိုင်သည်ဟု အထင်မှားကာ သူတို့သည် ဆေးရောင်အချို့ဖြည့်စွက်ခြယ်ခဲ့ကြသည်။ အမှန်စင်စစ် မူရင်းပန်းချီဆရာက ပန်းချီကားကိုရေးဆွဲပြီးသည့်သဘောနှင့် ဆေးဘူးနှင့်စုတ်တံတို့ကို တမင်ပြသထားခြင်းသာဖြစ်သည်။ မှတ်တမ်းဗီဒီယိုကို ပြန်ကြည့်ပြီးနောက် ၎င်းသည် နားလည်လွဲမှုသက်သက်သာဖြစ်ကြောင်း အသိအမှတ်ပြုပြီး အရေးမယူခဲ့ပေ။

ယော်ဒန်မြစ်အရှေ့ဘက်ခြမ်းရှိ ဣသရေလလူမျိုးတို့သည်လည်း ထူးကဲသော ယဇ်ပုလ္လင်ကို တည်ထောင်သဖြင့် နားလည်မှုလွဲခံခဲ့ရခဲ့ဖူးသည်။ မြစ်အနောက်ဘက်ကမ်းမှ လူမျိုးတို့သည် ယင်းလုပ်ရပ်ကို ဘုရားသခင်ကိုပုန်ကန်သောလုပ်ရပ် ဟုမှတ်ယူပြီး အမျက်ထွက်ကြသည်။ တဲတော်သည်သာ ထာဝရဘုရား အလိုတော်နှင့်ညီသည့် ဝတ်ပြုရာနေရာဖြစ်ကြောင်း လူတိုင်းသိသည် (ယောရှု ၂၂:၁၆)။

ထာဝရဘုရားအား ကိုးကွယ်ရန်၊ ယဇ်မျိုးတို့ကိုပူဇော်ရန် ထာဝရဘုရား၏ ယဇ်ပလ္လင်ပုံတူ တည်ခြင်းသာဖြစ်ကြောင်း မြစ်အရှေ့ဘက်မှ လူမျိုးစုခေါင်းဆောင်တို့ ရှင်းပြသောအခါ တင်းမာမှုများ ဖြေလျော့သွားသည်။ နောင်ကာလ၌ ၎င်းတို့သားမြေးများသည် အခြားသော ဣသရေလလူမျိုးသားမြေးတို့နှင့် ဝိညာဥ်ရေးရာနှင့် ဘိုးဘေးဘီဘင်ချင်း သက်ဆိုင်မှုကို သိမှတ်နိုင်ခြင်းငှာတည်သော…

သာမန်မဟုတ်သော ရဲရင့်ခြင်းသတ္တိ

၁၄၇၈ တွင် အီတလီနိုင်ငံ၊ ဖလောရန့်ဒေသကို အုပ်ချုပ်သူ Lorenzo de Medici (လောရန်ဇို ဒီ မဒီချီ)သည် သူ့အသက်ကို အန္တရာယ်ပြုသည့်ဘေးမှ လွတ်မြောက်ခဲ့သည်။ သူ့ကိုရန်ပြုတိုက်ခိုက်လာချိန်တွင် သူ၏ပြည်သူပြည်သားများက တုံ့ပြန်ရန် ကြိုးစားရင်းမှ စစ်ပွဲစတင်လာသည်။ အခြေအနေ တစ်ဖြည်းဖြည်းဆိုးလာသည့်အခါ ရက်စက်သည့် King Ferrante I of Naples (နေပယ်လ်မြို့ဘုရင် ပထမမြောက် ဖာရန်တေး)သည် လော်ရန်ဇို၏ရန်သူဖြစ်လာသည်။ သို့သော် လော်ရန်ဇို၏ ရဲရင့်သောလုပ်ရပ်သည် အရာရာကို ပြောင်းလဲစေခဲ့သည်။ သူသည် ဘာလက်နက်မှ မပါဘဲ ရှင်ဘုရင်ထံ တစ်ဦးတည်းသွားရောက်တွေ့ဆုံခဲ့သည်။ သူ၏ရဲရင့်မှု၊ ဆွဲဆောင်နိုင် မှုနှင့် ထက်မြက်မှုက ဘုရင် ဖာရန်တေး၏ လေးစားမှုကို ရရှိခဲ့ပြီး စစ်ပွဲရပ်သွားသည်။

ဒံယေလသည်လည်း ရှင်ဘုရင်၏စိတ်နှလုံးတော်ကို ပြောင်းလဲစေခဲ့သည်။ ဗာဗုလုန်တွင် နေဗုခဒ်နေဇာမင်းအား စိတ်အနှောင့်အယှက်ပေးသည့် အိပ်မက်အနက်ကို မည်သူမျှမဖော်နိုင်သဖြင့် ရှင်ဘုရင် အမျက်ထွက်ပြီး…